Fungsi Surat
Sakumaha
nu geus disabit di luhur, surat téh nya éta salasahiji sarana/alat pikeun
nepikeun informasi sacara tinulis. Bisa mangrupa katerangan, laporan, paménta,
atawa gagasan anu rék ditepikeun. Numutkeun fungsina, surat téh minangka
alat/sarana komunikasi. Nilik kana jihat basa, surat téh mangrupa omongan
winangun tulisan atawa karangan.
Surat mibanda sababaraha fungsi, di
antarana baé mangrupa:
- Alat
Komunikasi
Lian ti komunikasi atawa campur gaul
sacara lisan, aya deui komunikasi anu maké tulisan. Salasahiji alat komunikasi
ku basa tulisan nya éta surat. Dina nepikeun pamaksudan, sakapeung sok aya
informasi anu katarima béda atawa teu luyu jeung nu dipimaksud ku nu nepikeun
informasi.
- Alat
Bukti Tinulis
Pikeun ngungkulan pasualan-pasualan anu
aya patalina jeung hukum, upamana: jual-beuli, wasiat, gadé, waris, atawa
dokumén. Sok disebut ogé surat perjangjian, surat jual-beuli, jeung surat gadé.
- Alat
Bukti Historis
Salian alat pikeun bukti sajarah, surat
bisa mangrupa dokumén kagiatan-kagiatan organisasi atawa lembaga nu
diarsipkeun.
- Alat
Organisasi
Surat bisa dipaké alat pikeun nyambungkeun
sawatara pihak ku duta atawa utusan. Sagala hal anu aya patula-patalina jeung
organisasi, surat bisa dijadikeun wawakil kuasa hiji perkara.
Latihan
Téangan papasingan surat dumasar kana eusi, maksud, sarta wujudna!
Kunci
Jawaban
a.
Surat Numutkeun eusina:
-
Surat Resmi
(surat dines, swasta, lembaga, organisasi)
-
Surat Dagang
(niaga, brosur,reflet)
-
Surat Pribadi
(gumantung kontéks tur tujuan)
b.
Surat Numutkeun maksud
jeung tujuan:
-
Surat Béwara - Surat Lamaran
-
Surat Panuhun - Surat Paréntah
-
Surat Panganteur - Surat Ondangan
-
Surat Tawaran - Surat Tagihan
-
Surat Putusan - Surat Laporan
c.
Surat Numutkeun wujudna:
-
Surat Kartu Pos
-
Surat Warkat Pos
-
Surat Nota atawa
Mémo
-
Surat Télégram
- Tugas
Prak jieun surat pribadi, ditujukeunana
ka urut babaturan sakola nu aya di kota séjén. Eusina nyaritakeun kasono hayang
panggih tur ngabadamikeun acara reuni sakola!
Surat Pribadi
Bandung,
23 Séptémber 2007
Kahatur,
Pangersa
Bapa Drs. Agung Junjunan
Di
SMP Al-Muttaqin Tasikmalaya
Assalamu’alaikum Wr. Wb.
Sinareng Hormat.
Kapungkur bapa kantos mundut,
supados abdi kedah nyeratan ka Bapa, nyarioskeun kaayaan di SMA di Bandung.
Alhamdulillah abdi téh ayeuna katampi di SMA Santika Jaya Bandung. Namung
hepunten anu kasuhun sareng mugi Bapa ulah janten rengat galih, wiréh abdi nembé tiasa ayeuna nyumponan pamundut
Bapa. Dupi margina, abdi téh waktos ngawitan mah ngaraos tumamu pisan sakola di Bandung téh, dugi ka teu émut kana pamundut
Bapa.
Yaktos baé geuning Pa, bénten pisan
kaayaan di SMP sareng SMA téh. Bbakuna pisan ku margi aya pangajaran komputer
sareng basa Inggris nu karaos langkung sesah. Komo pami diajar komputer mah
mani teu kalis ku sababaraha kali, da
teu apal-apal baé. Ari dadakuna mah istilah-istilah komputer anu sakitu
seueurna, sadayana méh ku basa Inggris. Atuh upami diajar basa Inggrisna ayeuna
mah langkung sesah langkung hararésé. Ngan untung baé éta pangajaran téh tiasa
kabantu-bantu da di sakola abdi mah saranana tos kaétang lengkep, aya Lab
Bahasa sareng Lab Komputer.
Mung pangajaran pangaresep abdi mah
keukeuh baé basa Sunda. Pangaresep kana basa Sunda téh ayeuna mah dua ku tilu
asa langkung kaayunkeun. Saperkawis,
ku suasana sakola anu ngarojong pisan, pangpangna siswa-siswana diperedih sangkan aktip dina widang
kasundaan. Sakola abdi ogé sering ngayakeun pintonan
seni sareng aprésiasina. Sanaos abdi nembé kelas hiji gé sok pada ngabagéakeun
ku lanceuk-lanceuk kelas kanggo aub
kana rupa-rupa kagiatan. Malih kantos dipercanten janten narator dramatisasi
puisi Masyitoh yasana pangarang moyan Ajip Rosidi. Atuh teu wudu kénging
aprésiasi sareng pamuji ti para guru. Irung gé raraosan téh asa kembung. Kalih perkawis guru basa Sundana
kalintang binangkit sareng
pikaresepeunana. Komo upami nuju pangjaran aprésiasi sastra mah mani matak
kagugu. Kalihna ti éta, luang
pangalaman alhamdulillah beuki nambahan baé, utamina mah saparantos wawawuhan
sareng para pangarang Sunda. Salah saurang instrukturna nya éta kang Darpan,
pangarang nu tos teu bireuk deui.
Alhamdulillah tina éta kagiatan
keurseus téh karangan-karangan abdi tos ngawitan midang di Manglé, Galura,
Cupumanik, sareng Kujang.
Sakitu wé Pa, manawi perkawis sakola
mah. Namung badé tumaros, dupi Nina nu pinter nembang sareng ngawih téh badé ka
mana cenah neraskeunana? Ku émutan mah langkung saé ka sakola SMK (nu kapungkur
Kokar téa), supados karesepna tiasa kasalurkeun. Lebar temen ku bakatna.
Muhun kitu baé, sanés waktos
diteraskeun deui. Nyanggakeun sembah baktos ka Bapa miwah Ibu sakulawargi,
mugia Bapa salalamina aya dina ginanjar kawilujengan
Baktos
Abdi
Mayang
Sétrawulan
Kandaga
Kecap
Aub : Milu, ilubiung.
Binangkit : Kréatif, rancagé, motékar.
Tumamu : Kawas tamu (can bisa
adaptasi di tempat anyar)
Kalis : Cukup, punah,
kagentian.
Diperedih : Dipénta, dipambrih.
Pintonan : Tongtonan, lalajoaneun.
Perkawis : Perkara, urusan.
Bireuk : Nyaho, apal.
Kagugu : Kataji lantaran narik
ati
Rengat panggalih : Bendu, nyeri haté, pundung.
Moyan : Kasohor (Harti
injeuman tina asal kecap poyan).
1.
Latihan
Maham Eusi
Bacaan
- Soal
- Saha nu ngirim surat téh? Ka
saha ditujukeunana?
- Naon sababna nu ngirim surat karék bisa ayeuna nyieun
suratna?
- Pangajaran naon anu ku manéhna dianggep hésé? Naon
sababna?
- Saha baé nu ngabagéakeun sangkan milu aub kana rupa-rupa
kagiatan?
- Saran naon nu ditepikeun ku Mayang ka guruna ngeunaan
Nina?
Struktur Surat
TITIMANGSA,
Conto: Jakarta, 12 April 2011
TUJUL SURAT
Conto: Kahatur A Heriawan
di Kota Kembang
Salam bubuka,
Assalamu’alaikum Wr.Wb.,
salam hormat,
salam sono, jst.
TITIMANGSA,
Conto: Jakarta, 12 April 2011
TUJUL SURAT
Conto: Kahatur A Heriawan
di Kota Kembang
Salam bubuka,
Assalamu’alaikum Wr.Wb.,
salam hormat,
salam sono, jst.
BUBUKA SURAT (Pada/Paragraf),
Conto: Hey, Andi kumaha damang?...tos lami urang teu tepang...
Patali sinareng bade sumpingna sasih saum.....
Ngalangkungan ieu serat....
Ngawaler serat anu dikintun ku saderek ping....sasih...taun
jst
EUSI SURAT/paragraf EUSI,
Conto: Ku hal eta sim kuring ngulem saderek kanggo ngluuhan ieu acara....
insyaallah engke upami dinten pere sakola abdi bade wangsul....
Najan beurat wayahna hubungan urang mung dugi ka dieu...
Penutup surat/paragraf penutup,
Contoh: Ned, surat kuring sakieu we heula nya.....
Mung sakieu anu didugikeun ku abdi saparakanca....
hatur nuhun kana perhatosanana....
jst,
SALAM PANUTUP,
Conto: Wassalamu’alaikum Wr.Wb.,
salam sono salamina,
salam
cag,
Conto: Hey, Andi kumaha damang?...tos lami urang teu tepang...
Patali sinareng bade sumpingna sasih saum.....
Ngalangkungan ieu serat....
Ngawaler serat anu dikintun ku saderek ping....sasih...taun
jst
EUSI SURAT/paragraf EUSI,
Conto: Ku hal eta sim kuring ngulem saderek kanggo ngluuhan ieu acara....
insyaallah engke upami dinten pere sakola abdi bade wangsul....
Najan beurat wayahna hubungan urang mung dugi ka dieu...
Penutup surat/paragraf penutup,
Contoh: Ned, surat kuring sakieu we heula nya.....
Mung sakieu anu didugikeun ku abdi saparakanca....
hatur nuhun kana perhatosanana....
jst,
SALAM PANUTUP,
Conto: Wassalamu’alaikum Wr.Wb.,
salam sono salamina,
salam
cag,
h. IDENTITAS NU NGIRIM
Conto: Sobat Anjeun,
Aisyah
Hormat abdi,
..........
Asmana,
...........
Girang serat
.................
Pupuhu...
.......................
Conto: Sobat Anjeun,
Aisyah
Hormat abdi,
..........
Asmana,
...........
Girang serat
.................
Pupuhu...
.......................
==========================================================================
ORGANISASI SISWA INTRA SEKOLAH
SMK KOMPUTER ABDI BANGSA
Jl. Siliwangi No.123 Cibadak
=========================================================================
9 September 1999
Nomer : 09/OSIS/IX/1999
Lampiran : -
Perkawis : Uleman
Kahatur
Rengrengan pangurus OSIS
di Cibadak
Rengrengan pangurus OSIS
di Cibadak
Assalamu'alaikum warrohmatullahi wabarakatuh
Dina Raraga tatahar enggoning mieling tur ngareuah-reuah poe Kamerdekaan, sim kuring ngalulungsur Saderek kanggo ngaluuhan gempungan anu baris dilaksanakeun:
dinten : Jum'at
tabuh : 09:09 dugi ka rengse
tempat : rohangan 09
dinten : Jum'at
tabuh : 09:09 dugi ka rengse
tempat : rohangan 09
Ku kituna, pamugi saderek kersa sumping dina waktosna.
Hatru nuhun
Wassalamu'alaikum warrahmatullahi wabarakatuh.
Hatru nuhun
Wassalamu'alaikum warrahmatullahi wabarakatuh.
Pupuhu
Girang serat
Girang serat
Teuku Ievan Dekvanz
Sukabumi, 12 April 2013
Kahatur
Shinta Dewi
Di Jakarta
Sareng hormat,
Juned kumaha damang? Nuhun upami damang mah. Abdi oge dina danget ieu mah teu kirang sawios-wios.
Nu mawi abdi nyerat teh bade ngawartosan, rehna minggu payun abdi sakulawargi bade ka Jampang. Upami teu aya pambengan, abdi bade ka bumi Juned. Abdi teh hayang dianteur pakanci ka Ujung Genteng.
Sakieu bae serat ti abdi. Mugi-mugi urang tiasa tepang minggu payun. Hatur nuhun.
Hormat abdi,
Primus